"" يوميات يمني حراف ( 1 + 2 ) - بسام الحرازي - الغرف برس

أعلان الهيدر

يوميات يمني حراف ( 1 + 2 ) - بسام الحرازي



يوميات يمني حراف 1 : 

ولما قدك في نص الطريق وقدك تاعب يجي باص ملاااااااااان فل وستة معلقين وخمسة فوق الشبك واثنين فوق التواير وواحد فوق اللوحة 
واثنين اطفال فوق السكان حق السواق (مقود السيارة) 
وتطلع تتعنقل ورأسك داخل الباص وأرجلك خارج وقد رقبتك عاتكتسر ويجي السواق يقول لك بكل هنجمة ب (100) عجبك ماشي نزلت 
أنا فدى لك ياعم سواق أمانة إنك سمخ ‏‎kiki‎‏ رمز تعبيري
(B-H)



يوميات يمني حراف 2 

تقوم الصبح وأنت جاوع تصيح لهم يدوا لك صبوح 
يجوا يقولوا لك مابش خبر 
تقوم تغسل وجهك اللي ملااااااان نوم وتسير المخبز ياسعم تدور خبز 
تسير المخبز اﻷول يقوم صاحب المخبز يقول لك ماااااابش 
تقول له للمه مابش ؟
يقول ياسعم مش انت عايش في اليمن أو مه ؟؟
أنت مابتبسر كيف الاوضاع جعلك جني يدقك من هانا لرأس عصر ^-^
أنت تسمع هولا الجملتين تصحصح شوية وتبعد النوم من عيونك 
وتسير للمخبز الثاني يقول لك أيش بتدور خبز ؟؟؟
وهو مستغرب بأقوى قوته 
ويقول لك الخبز كان أيام عفاش أما الان مابش الله يشلكم أنتم وثورتكم اللي فعلتوها في 2011 وصدقتوا مكلف لأنكم مكالف وخربتوا البلاد الله يجعل لكم مدري ماهو 
تمشي من عنده وانت مصروع حالتك حالة 
تسير للمخبز اللي بعده تقول له ادي لي ياخي ب100 خبز نصطبح يقوم يقول لك خلي السعودية تدي لك عندهم خيرات أما عندنا مابش 
ترجع تطنن وتسير المخبز الكبير وتقول في نفسك هذا أكيد عنده خبز 
يقول لك والله ياخي مابش خبز احنا قررنا مانبيع خبز إلا لما تكمل عاصفة الحزم وإعادة اﻷمل ولم الشمل ونهاية العالم وقيام القيامة وكلهن ^-^
فتقرر انك ترجع البيت وتشتري كليو دقيق على طريقك عشان يخبزوا لك خبز توصل وقد كمل الغاز ^-^
(B-H)

ليست هناك تعليقات:

إرسال تعليق

يتم التشغيل بواسطة Blogger.